小鳳姐2015新動態 

本網站某些圖片內容之連結,版權全屬有關該機構等持有,

本網站只作友善借用,絕無涉其它商業或作不良用途。特此鳴謝!

24-Dec-2015▼: 小鳳姐欣賞"陳慧琳let's celebrate!世界巡迴演唱會"(圖片轉自陳慧琳小姐facebook.)
 
24-Oct-2015▼: 小鳳姐欣賞"基會難德演唱會 2015"
明報周刊2450
19-Sept-2015▼: 小鳳姐欣賞"容祖兒 李克勤 演唱會 2015"
明報周刊
17-Sept-2015:蘋果日報..小鳳姐出席「賽馬會耆智園15周年慶典暨腦動全城閉幕典禮」
【如患腦退化】徐小鳳:如果有一日唔見咗,向紅館嗰邊搵我
徐小鳳今日以腦動全城大使身份,去到沙田為「賽馬會耆智園15周年慶典暨腦動全城閉幕禮」擔任嘉賓,宣揚關注腦退化症,又與樂壇新人Faith及李承洛(Rio)合唱《風的季節》,同場出席還有高錕教授、勞工及福利局局長張建宗。
小鳳姐喺台上分享話,佢早前參加過腦退化體驗之旅,忽然有所感觸,佢話:「原本我冇留意呢個症狀,我參加完體驗之旅後,返去之後自我檢討。我成日向紅館嗰邊行,我如果有一日唔見咗,大家可以去嗰邊搵我。」
小鳳姐又謂:「相信唔止年長朋友,年輕朋友都會有失憶症,我都會測試自己記唔記得朋友嘅名同電話,使自己唔好依賴性咁高,不過每日有一、兩個鐘失憶都係好正常,當俾個腦休息吓。」佢建議大家對腦退化症嘅長者,應多予耐性,家人給予更予體會。
一般人對於腦退化症體驗之旅堶嘅遊戲都應付困難,小鳳姐自言會多唱歌訓練腦筋,又謂暫時未出現忘記歌詞。對於校長譚詠麟經常忘記歌詞,會否介紹對方體驗腦退化症?小鳳姐笑道:「咁係正常,對於呢個症狀嚟講係正常。」
小鳳姐又表示,早已經擔心自己患腦退化,現在身邊朋友亦逐漸變得記性差,當中一位,是因為曾遇車禍受重創的好友蔡國權。 
5-Sept-2015:太陽報/明報...小鳳姐出席「呂方代表演唱會」做第2場演嘉賓
波波裙的徐小鳳狂放笑彈,全場激讚並報以熱烈掌聲。
【on.cc東網專訊】 呂方一連兩場《呂方代表演唱會2015》的尾場在紅館舉行,到嘉賓徐小鳳穿上經典的波點裙上場時,全場起哄鼓掌,向來風趣的她比頭場時放出更多笑彈,先稱自己為演出準備認真,又向呂方說:「你睇我連波波裙都出埋,所以真係好怕做嘉賓,仲認真過主人家。」令台下爆笑。

她又續稱:「練習就好似整容咁,會上癮。講開整容,早排我放假去咗韓國旅行,大家睇吓我有咩唔同?放心,我咩都無做過,我怕整到阿媽都唔認得。」然後又問呂方:「你有無嘢要整?」呂方答:「我最多都係整高啲。」徐小鳳笑說:「你唔使啦,你係樂壇唔係咁高嘅高人嚟架啦。」獲全場掌聲。

其後徐小鳳愈講愈開心,先叫呂方不要像杜德偉般在演唱會「脫掉」剩三角褲,及後得知原來Alex在場,即向呂方說:「你千祈唔好,我都唔敢想像個畫面係點,世界上無人着三角褲好睇得過杜德偉。」又用超人來比喻:「超人就底褲着面,長褲就當底褲着,但杜德偉就連底褲都唔着。」
 
身旁的呂方建議Alex下次要着波點三角褲,不料徐小鳳即說:「我求你千忻唔好着波波點,但可以得一點。」連番爆肚令呂方只能站在一旁傻笑,台下觀眾就掌聲笑聲不絕。完騷後呂方受訪時再次提到兩位嘉賓和倫永亮的幫助,他說:「見到兩位前輩咁一絲不苟,綵排都排幾個鐘頭,真係令我好感動。」完成兩場演出後呂方坦言有不捨得的感覺,又笑稱今次的嘉賓如此強勁,下次都不知要找誰做嘉賓。
4-Sept-2015:太陽報/明報...小鳳姐出席「呂方代表演唱會」做第1場演嘉賓
 
【on.cc東網專訊】 歌手呂方舉行一連兩場紅館《呂方代表演唱會》,除了汪明荃外,呂方還請來徐小鳳做嘉賓,徐小鳳更以經典白底黑波波傘裙造型現身獻唱《彎彎的月亮》,唱後徐小鳳說:「終於聽到你唱歌,等咗好耐。」談到呂方致電邀自己做嘉賓,她笑言因太多騙案都有點害怕,更心想:「做嘉賓使唔使畀二千萬你?」呂方即說致電時,徐小鳳答他若在香港會做嘉賓,但補充自己很忙未知會否在港,徐小鳳即解釋:「其實我好得閒,但我擔心咁多年冇見唔知佢點,傳聞話佢操大隻、又跳舞,唔知會用咩形象,會唔會好似杜德偉咁着三角褲,如果畀人影到擺上網就水洗都唔清,好彩你冇!」
此時,睇騷的杜德偉被點名後起身與大家打招呼,徐小鳳才知道對方在場,再笑續說:「好彩冇講啲乜!咁啱杜德偉又打嚟,我話我唔跳得、又唔放,我喺觀眾席做嘉賓,坐喺十幾行,到尾聲佢除晒咁濟,但你以後唔除唔得。」她說當知道呂方以平時一般開騷便放心,並表示:「四四方方幾好呀!佢雖然唔高大,但聲音似巨人!」呂方則大讚對方在香港猶如無綫一樣「一定有人睇」,他們兩人合唱後又擺Pose影相,徐小鳳表現興奮更舉V賣萌,最後呂方亦問徐小鳳可否繼續做另一場嘉賓,但微弱的聲線被對方取笑說:「做人可唔可以肯定少少,我睇吓你哋(觀眾)表現。」觀眾立即報以歡呼聲,而當呂方送徐小鳳下台時,二人還不斷閒聊,徐小鳳說:「又話送餅嘅?唔好踩到我條裙呀!」惹得全場爆笑,及後呂方重新上台繼續獻唱,最後以《朋友別哭》結束首晚個唱。
2-Sept-2015:蘋果日報 呂方打動小鳳姐出山
呂方將於後天在紅館舉行一連兩場「呂方代表演唱會」,最近他忙於與管弦樂團綵排,首次與50多位管弦樂手合作的呂方坦言十分興奮,希望能夠擦出新火花。談到表演嘉賓,呂方之前透露請到汪明荃任嘉賓,但原來他還邀得重量級天后徐小鳳,他說:「除咗請到我最敬佩嘅Liza姐做演唱會嘉賓外,我還有一位非常欣賞嘅歌手小鳳姐,真係好希望佢能夠成為我入行32周年演唱會嘅嘉賓,所以我就親身邀請小鳳姐好多次,終於就以誠意打動咗佢,相信呢個都係歌迷嘅喜訊。」日前,呂方與阿姐綵排時,正值她生日,呂方送上生日蛋糕替她慶祝,還祝她身體健康,美麗一世。撰文:靜楠 
3-July-2015:忽然1周1040期
27-June-2015:明報周刊2432期 劉天蘭---神鳳境界
26-June-2015▼:小鳳姐出席"荔園Super Summer 2015"開幕擔任嘉賓
明報:徐小鳳今日出席荔園開幕禮,表示曾在荔園坐碰碰車和掟香口膠,

她笑說:「荔園是香港人美麗的集體回憶,當年是市民的最大娛樂,很難得重開,感覺好親切,

一定要來打氣,不過今日天氣好熱,會瘦3磅。」

21-June-2015▼:小鳳姐出席2015.06.20"最愛潘源良是誰作品展" 做表演嘉賓
 
《最愛潘源良是誰作品展》噚晚喺紅館舉行尾場,潘源良女友李麗珍都有去到支持,仲有鍾楚紅、鍾珍等等都有嚟到支持,潘源良喺一開場嘅時候,就話香港係福地,好多問題都可以解決,仲係喜劇收場,佢仲話:「好似喺《大時代》入面,方婷就死咗,但o依家佢就坐咗喺度,仲好靚㖭。」李麗珍聽到之後,仲向潘源良飛吻。

而表演嘅嘉賓大致上同前晚一樣,不過就多咗郭子健、譚詠麟同徐小鳯,喺成個作品展入面,潘源良都冇開金口唱歌,而嘉賓之一嘅林子祥就想叫佢開金口,不過潘源良都只係坐喺位冇開金口。小鳯姐就著咗粉紅色長身裙,一出場就唱《婚紗背後》,係全晚最好反應,唱完之後小鳯姐就話每次演唱會都一定要唱呢隻歌,小鳯姐又話:「潘先生真係好了解我,我對婚姻真係抱住又愛又恨,其實我係恨到不得之了,但又怕你哋會呃我。」點知突然有觀眾大叫:「我愛你!」之後小鳯姐就話:「邊位啊?你靚唔靚仔啊?原來係細我好多喎,你細我咁多點愛我?我要搵番啲年紀相近,性格又相近嘅人,其實好難,久而久之變到好鍾意睇人著婚紗。」

之後小鳯姐就同band leader倫永亮合唱《憑著愛》,而倫永亮就話好驚,小鳯就話:「我又唔係恐龍,你唔使驚。同倫永亮合唱好似唱緊姊弟情。」唱唱吓佢哋就發現寫《憑著愛》嘅盧冠廷喺場內,之後佢哋就邀請咗佢上台,三個人一齊合唱。
【on.cc東網專訊】 著名填詞人潘源良於紅館舉行一連兩場的「最愛潘源良是誰作品展」來到尾場,女友李麗珍再度前來捧場,而盧冠廷與太太、林德信及黃偉文等好友亦前來觀賞。第二晚依然有林子祥(阿Lam)和葉蒨文擔任嘉賓,葉蒨文提到自己在頭場演出時講錯說話:「我噚晚(前晚)話一個識寫女人歌嘅男人點會識寫馬經,我搞錯,原來係足球!我仲一路以為阿Lam嗰首數字歌(數字人生)係講馬嘅,以為你叫人唔好跑馬,但原來係講人生。」潘Sir笑說:「其實嗰首歌真係講跑馬,而我又真係講足球!」

徐小鳳「恨」結婚

接着到徐小鳳現身,她一出場即引來全場歡呼聲,演唱完《婚紗背後》後,小鳳姐提到當初一收到潘Sir這份歌詞,以為對方再次失戀,潘Sir馬上澄清說:「監製話要寫歌畀你,人生哲理、環遊世界、叉燒包嗰啲你都唱埋喇,咁我就諗大家最關心你嘅係咩呢,然後先有呢個意念!」小鳳姐就笑謂對婚姻又愛又恨,「恨」到不得了,但卻沒有膽量入情關,因為怕被欺騙,隨即便有觀眾大叫「我愛你」,小鳳姐即說:「睇一睇先,你咁細個點愛我,我要心境同年紀同我相似嘅!」她又表示喜歡看見別人穿婚紗,但覺得自己今日的服裝有太多花花裝飾:「我好後悔,但唔係咁就遮唔住我嘅清白之身!我哋依家唔興講年紀,係講境界,去到我呢個境界我需要放好多花喺身上,好似傻嘅咁!」小鳳姐笑言潘Sir向來低調,這次開作品展是「醜婦終需見家翁」,讓大家知道他的所作所為。她又謂不再講婚姻,覺得這個話題太過複雜:「有又唔係,冇又唔係,其實我都就嚟登報紙㗎喇,等吓啦!」

然後她邀請倫永亮(Anthony)上台合唱《憑着愛》,Anthony坦言廿多年來一直渴望與小鳳姐同台演出,今日終於能夢想成真:「好榮幸,你肯同我呢個好『癲癲得得』嘅人喺台到唱歌!」小鳳姐說:「你非常之正常,癲人我見得多,不如睇開啲啦!」Anthony問小鳳姐與他同台演出的感覺,小鳳姐就笑言感覺複雜,因為像帶着細佬去拜年,Anthony就指年齡不是問題,因兩人的外觀同樣年輕,小鳳姐說:「我忍唔住要加多句,我淨係鍾意同你唱歌㗎咋!」

而兩人又打算再邀請一位朋友上台合唱,小鳳姐謂找不到對方的座位,Anthony即說:「我見到佢,佢係呢首歌嘅原作者,我見到有盞燈喺觀眾席,原來喺佢個頭嚟!」然後便請出盧冠廷上台,三人合唱《憑着愛》,小鳳姐再次發揮風趣本色說:「倫永亮你知唔知呀,我頭先幾驚你掹咗第一排嗰位(光頭男士)出嚟!」
2-May-2015:明報周刊2425期
18-April-2015:明報周刊2423期
10-April-2015▼: AM730報...專欄: 誰不想熱烈地彈琴熱烈地唱
睇見條題,就知這一次浪漫月巴睇女星是寫明明已淡出幕前但又keep住很忙的小鳳姐

1.截至目前為止,小鳳姐2015年最忙的一天,肯定是4月1日。
2.那一天發生了甚麼事?(好有良心的)亞視不獲續牌。當有一個人形容那是香港黑暗的一天時,有好多人並唔係咁諗,不然Facebook不會立即被小鳳姐名曲《喜氣洋洋》嚴重洗版(也有些含蓄的網民,只是含蓄地打上一句「有請小鳳姐!」,言簡意賅,大家心照)。
3.今日今日小鳳姐已成為一個符號。她和《喜氣洋洋》指涉著一種情緒:每逢現實中發生了一件期待已久的大快人心事件(例如某些犯眾憎權貴高官瀨嘢瀨個正著),很多人便亢奮起來,亢奮得立即諗起小鳳姐,忍唔住好想亢奮地高歌一曲《喜氣洋洋》——這種心態,實不相瞞,我都有。或許以這麼一種絕對幸災樂禍心態,才足以宣洩我們對這個絕對不知所謂社會的絕對憤恨。
4.但小鳳姐成就從來都不止於成為一個(讓大家宣洩情緒的)符號,她的名曲,也不是只得一首《喜氣洋洋》。
5.我不敢說自己是小鳳姐歌迷,但每逢畫《ROBOCAT》,都一定要non-stop地播著小鳳姐的歌作為背景音樂。好奇怪,自問從來沒有刻意去背她每一首歌的歌詞,但竟然大部分都識跟住唱。原因離唔開:A.無論是改編定原創,小鳳姐絕大部分歌曲都擁有一聽便記得的上佳旋律;B.多得過去那班填詞人為上佳旋律填上了有意思(而非懶特別或但求填夠字數)的優美歌詞;C.最重要是,有了上佳旋律和優美歌詞後,有小鳳姐那一把無可替代的歌聲去演繹。
6.近年有個現象。歌星為了讓你知道佢唱得好有力,佢真的會好用力地唱到七情上面,七情上面到一個程度是令你會諗:嘩,使唔使咁辛苦吖?而當佢用力地輸出所謂歌唱的力量時,你也被迫從佢的表情、聲量、肢體動作等等接受到相等的力量——如果用武俠小說的形容作比喻說明,大概是:即使佢仲未出掌,但只消觀其(辛苦的)表情,已知佢將發未發的這一掌,必然谷盡十二成功力;而偏偏你不能避,只能硬食。這就是今時今日歌手與聽眾的攻防。
7.但你看看小鳳姐的演出片段吧。你可曾見過台上的小鳳姐會像韓紅般七情上面到令你愕然驚恐?你又有冇見過小鳳姐會像G.E.M般擘大個口狀若氣吞天下?冇,從來都冇。小鳳姐永遠都是從容地、舉重若輕地、金光燦爛地,企定定,把每一首歌的喜怒哀樂唱進我們的心。整個過程,望落冇嘢其實好有嘢但你又講唔出究竟有乜嘢,真真正正高手。
8.小鳳姐不少歌曲甚至成為了香港史的載體。《風的季節》,總令我想起梅艷芳參加第一屆新秀的情景;《婚紗背後》,總令我想起(還未進化成Peter朱的)萬梓良在昏迷的DoDo面前,爆出那一句震懾穹蒼的「So What!!!???」——那是一個大家為了追《流氓大亨》大結局而甘願企喺電器舖前睇電視的時代……而我更喜歡的其實是片頭曲《城市足印》,喜歡曲詞捕捉了都市人在匆匆生活下的感傷——那是一個電視劇還會分片頭曲和片尾曲的時代……
9.更具歷史意義的應該是1992年,小鳳姐和鄧麗君同台合唱了一曲《戲鳳》——鄧麗君:「我們賣酒做營生,不懂愛也不懂情。」小鳳姐:「為甚麼坐立難安睡不寧?……」促成這一次超經典合唱的,是亞姐決賽,小鳳姐和鄧麗君都是那一晚的表演嘉賓。Yes,那是一個仲未有人會講「X你個街!亞視嚟嘅?」的時代。
10.至於現在是一個怎麼樣的時代?肯定不是值得高歌喜氣洋洋的時代。而這時代的荒謬卻在於:我們只能用這一份毫不純粹的洋洋喜氣,來面對今時今日的恨與悲。愈熱烈愈荒謬。


撰文:月巴氏

 
29-March-2015▼: 太陽報/明報...小鳳姐欣賞杜德偉先生演唱會
明報周刊2421期

杜德偉昨晚在紅館舉行尾場演唱會,除獲許志安、梁漢文、蔡一智、鄺美雲等捧場外,表演嘉賓呂方更向杜德偉介紹「神秘嘉賓」——徐小鳳,徐小鳳在觀眾席現身及清唱數句,杜德偉大感驚喜說:「好像加冕,很開心和榮幸。」

徐小鳳表示,太久沒見杜德偉,很想說些話,杜德偉說:「請說,這塈A最大!」徐小鳳笑說:「可能這個圈子中我最大,但我們的樣子也是差不多,再講深一層,我到今天仍然這麼幼稚,特別在粉絲面前,所有真面目都流露出來了。」

 
28-March-2015▼:太陽報/明報.. 小鳳姐出席前亞視老闆邱德根先生喪禮
 
24-Feb-2015:小鳳姐欣賞譚詠麟先生演唱會
3-Feb-2015:小鳳姐欣賞 舞台劇《杜老誌》
明報周刊2413期
30-Jan-2015:小鳳姐欣賞楊千嬅演唱會
明報周刊2413期
18-Jan-2015:小鳳姐欣賞 鄧紫棋演唱會(圖片轉自Gem Tang facebook...)
G.E.M.獲小鳳姐讚難得聲音
小鳳姐說:「鄧紫棋看起來像個小孩子,但聲音比天高,是近年難得的聲音。」G.E.M.對於小鳳姐來欣賞感到好開心。
7-Jan-2015:小鳳姐讚Sammi個唱好睇排隊等做阿倫演唱會嘉賓
明報周刊2409期

徐小鳳、盧冠廷及太太、馮素波等,噚晚出席理工大學出席「極地30情獻籌款晚會」。
小鳳姐到場時企定定讓畀傳媒拍照,原本佢婉拒受訪,記者叫佢講兩句,小鳳姐鬼馬表示:「Hello!你哋好嗎?」之後公關帶小鳳搭lift,等lift其間,記者把握時間同小鳳做訪問。
問到鄭秀文演唱會好唔好睇?小鳳姐大讚:「好睇﹗」問到係咪近年都愛睇演唱會?佢笑言:「演唱會好抵睇嘛﹗」嚟緊譚詠麟(阿倫)開騷喎?小鳳姐話:「喺香港一定睇,我知佢開騷,校長喎,梗係要睇。(搵你做嘉賓?)我排緊隊﹗(想似學友做嘉賓王?)係咩?佢係嘉賓王呀?」
1-Jan-2015: 香港電台第一台 [音 樂 情 人]
鄭子誠先生今年在節目內選播小鳳姐的歌曲,祝賀小鳳姐1.1生日快樂...
城市足印..人似浪花..一臉紅霞..風的季節.. 婚紗背後..雙城記..某夜..流下眼睙前