小鳳姐2018新動態 

本網站某些圖片內容之連結,版權全屬有關該機構等持有..

本網站只作友善借用,絕無涉其它商業或作不良用途。特此鳴謝!

18-Sept-2018 蘋果日報:【完滿結束】沈祖堯校長大開金口唱《小李飛刀》 小鳳姐:今次到我碌番你
 

六場《金光燦爛徐小鳳演唱會2018》在強颱風「山竹」吹襲下,有驚無險順延一晚尾埸,噚晚完滿結束,在台上非常幽默嘅小鳳姐不停跟觀眾互動,尾場更邀請兩位俊男觀眾上台為她除外套,其中一位表示從幼稚園便喜歡小鳳姐,小鳳姐反問:「你是覺得我很幼稚嗎?」另一位男觀眾為她除外套時,小鳳姐笑說:「你都幾熟手。」當男觀眾自我介紹是小龍時,小鳳姐即笑說:「我是小鳳。」

 

青山與張帝繼續擔任嘉賓,與青山合唱《今宵多珍重》後,大屏幕便展示一張小鳳姐與張帝後生時的合照,張帝說:「很像結婚相。」小鳳姐指張相是fans第四場後給她的,於一個籌款活動上影的,張帝望著合照表示很想跟小鳳姐永遠走下去,小鳳姐便答應一切從新開始,張帝問:「是真的?」小鳳姐肯定語氣說:「我從來不騙男人。」兩人便合唱《愛的開始》。

 

安哥環節,小鳳姐邀請了兩位校長上台,第一位是專程從外地趕飛機返港的沈祖堯校長,接過沈校長獻花後,小鳳姐小說:「點解扎花咁熟口熟面嘅?」小鳳姐又指沈校長瘦了,沈校長說:「因為想念你。」o氹得小鳳姐笑說:「好學唔學學張帝。」沈校長便轉身想走,但小鳳姐即時拉停對方說:「你成日碌我卡,今次到我碌番你,聽講你唯一一首飲歌《小李飛刀》,今晚就同我一齊合唱。」沈校長終於開金口獻唱。

 

另一位校長是林浣心校長,林校長笑指小鳳姐原先只想邀請學校管弦樂團演出,最後越來越貪心再邀請合唱團、鼓隊及一年級的小司儀,小鳳姐興奮說:「我嘅貪心係咪無錯。」最後林校長送上一張結業證書給小鳳姐,並說:「妳係男校唯一女生,妳畢業喇。」

 

此外,小鳳姐特別提到有人覺得尾埸延期通知太遲,她解釋解釋說:「因為要不停同紅館開會,商量有冇多一晚期可以補場,去到最後一分鐘先答應,所以非常多謝對方。希望大家唔好介意,估唔到今晚大家仍然踴躍支持。」 演唱會尾聲,小鳳姐再邀請青山、張帝一同上台合唱《喜氣洋洋》便完滿結束。

18-Sept-2018 東網 :欠落人情!徐小鳳尾場沈祖堯大開金口合唱
殿堂級歌手徐小鳳共六場假紅館《金光燦爛徐小鳳演唱會2018》今晚尾場,Encore時間分別邀請了兩位「校長」上台,第一位為香港中文大學前校長沈祖堯,着到西裝骨骨的他帶同鮮花上台,徐小鳳答謝對方可以成功趕到飛機回港出席尾場騷,又搞笑話由沈祖堯獻上的鮮花「熟口面」,十足似剛才嘉賓之一「急智歌王」張帝送上的一樣,惹來全場爆笑!又問對方點解瘦了一圈?沈祖堯即口花話花:「原因係想念你!」氹到徐小鳳眉開眼笑!當沈祖堯想離開時,徐小鳳就拉住唔畀走,笑話:「佢成日碌我卡(人情卡),上年年尾話就嚟退休,請我去聽佢唱我首《順流逆流》,點知去到原來要同佢合唱!今晚就碌吓佢!合唱你唯一首飲歌《小李飛刀》!」沈祖堯原本想以「冇準備」為由拒絕,但最後都乖乖唱,演唱期間表現輕鬆,單手插袋又同徐小鳳擊掌,仲差啲踩中她的裙尾,非常驚險!

第二位校長則是全場有份幫手表演,包括管弦樂團、合唱團、鼓團、一年級小司儀所屬學校的林校長,林校長笑問徐小鳳初次動用過百名小學生唔驚?見慣大場面的徐小鳳就話:「佢哋嘅才華不可埋沒,驚都係你哋驚,原本淨係邀請管弦樂團,後尾愈請愈多,但我嘅貪心係冇錯。」林校長仲多謝番徐小鳳轉頭:「班學生中文好咗,你啲歌嘅歌詞好靚;佢哋睇少咗醫生,因為成日笑;同長輩關係好咗,成日唱你啲歌,零距離。」徐小鳳亦不忘自誇:「唔識中文真係唔識唱我啲歌!」說畢林校長就頒發小學畢業證書給徐小鳳以示答謝:「我哋係男校,你係唯一一個男校女生!」徐小鳳即搞笑話:「我係咪畢業啦?好榮幸!」

接着再次請到「寶島歌王」青山及張帝呢兩位「情敵」上台,甫上台徐小鳳就先話要同張帝握手,因為怕對方呷醋!兩位嘉賓表示今次認真大開眼界,張帝更形容是一個家庭同樂會,而徐小鳳就突然自爆做歌手表面上看似堅強,但內心其實好內弱,如果不是有觀眾的掌聲,都不敢行出來表演!最後三人合唱經典金曲《喜氣洋洋》,為個唱畫上完美句號,於11時15分正式完場。
18-Sept-2018 明報 :【風雨同路】山竹吹塌樹木阻去路 徐小鳳:打算坐直升機吊入紅館...

【今晚直擊】受到颱風「山竹」襲港影響,徐小鳳在紅館舉行的《金光燦爛徐小鳳演唱會2018》尾場,由昨晚延至今晚進行。大會昨日已發通告告示,指今晚未能出席的觀眾,可選擇退票,演唱會於晚上8點30分開場,有7成入座率。

小鳳姐出場獻唱《神鳳》和《漫漫前路》後,答謝觀眾支持:「那麼惡劣天氣下,大家仍然來支持我,衷心多謝!」唱到《風的季節》時,小鳳姐幽默地叫觀眾大合唱:「一齊唱吖,將『山竹』趕走﹗」全場唱出「吹啊吹,讓這風吹」,非常應景。

之後小鳳姐再提到演唱會因打風受阻,心情忐忑,她說:「多謝你們(指觀眾)來支持,打風都好好笑容,多謝晒﹗今晚是一個戰戰兢兢的晚上,好擔心,出面滿目瘡痍,這裡井然一片。」台下觀眾大嗌:「我們風雨同路。」小鳳姐回應:「多謝,我們風雨同路!」

她又自爆住宅門外的大路,有十棵樹遭颱風吹塌,阻擋去路,她說:「我一起身見到,慘,今晚怎來紅館?我諗到個方案 ,打算著波波裙,坐直升機吊入紅館,不過香港人速度好快,不用兩、三個小時,已將那十棵塌下來的樹搬走,多謝。」

18-Sept-2018 圼島日報:尾場與沈祖堯合唱《小李飛刀》 小鳳姐:佢刀法如神
徐小鳳在紅館舉行的六場「 金光燦爛徐小鳳演唱會2018」昨晚完滿落幕。昨晚開場不久,小鳳姐已就颱風影響而改遲一晚演出一事講話。直到演唱會尾聲,小鳳姐稱,大會要求小鳳姐向大家講一講以免大家誤會:「因為「心竹」颱風影響,我們好像遲了公布,其實不是,我們正在跟紅館方面商議有沒有多一晚給我們補償,因16號晚不能演出,開了很多次會,直到最後一刻紅館真的給予一日我們,我非常多謝他們,否則今晚便不能在這婺礞j家盡歡,所以如果遲了宣布真的不要介意,與所有人無關,因為真的要等有期,有期我們才可宣布,今晚補償給大家亦估不到大家今晚仍踴躍支持,非常多謝。」

小鳳姐除了有青山及張帝兩位嘉賓演出外,她臨時邀請了沈祖堯校長上台合唱一曲《小李飛刀》之後,小鳳姐稱,很久沒有見沈祖堯,去年他突然來電說:「我就退休,選了一首你的歌《須流逆流》想唱給你聽,你可不可以來。」於是小鳳姐對他表示,若他唱當然會到場聽同怎知到場後卻變成合唱,小鳳姐說:「你說他請人,真是很聰明,我也很開心,我終於可以倒過來請他,他很出名,刀法如神所以他的飲歌是《小李飛刀》。」

英華小女校長在台上頒發畢業證書給小鳳姐,更指小鳳姐是他們學校的首位男校女生
14-Sept-2018 林鄭月娥 Carrie Lam
今晚應小鳳姐邀請去紅館睇佢嘅演唱會。Paula Tsui 徐小鳳係殿堂級歌手,佢嘅金曲百聽不厭,加上華麗服飾,風趣幽默嘅講話,令觀眾拍爛手掌。喺大家嚴陣以待超強颱風山竹襲港呢一刻,等我哋重温小鳯姐嘅「風雨同路」,安然度過「厄困」啦!
07-Sept-2018 蘋果日報:【全場爆滿】演唱會自爆唔敢照鏡原因 徐小鳳:怕靚到照爆鏡

熱烈地彈琴熱烈地唱…終於等到徐小鳳開騷喇!久違3年嘅《金光燦爛徐小鳳演唱會2018》,今晚正式係紅磡香港體育館舉行。

 

演唱會準時喺晚上8:30分開騷,全場爆滿。小鳳姐出場前,有15位着住西裝、拉住小提琴嘅小朋友圍住台邊,之後着上銀白色背心長裙、襯一條銀色閃閃被肩嘅小鳳姐喺台中升上嚟,唱出《神鳳》為演唱會揭開序幕。

 

到小鳳姐唱《漫漫前路》中段時,佢就同大家揮手打招呼:「Hey,你哋好嗎!」其後佢又用廣東話話:「好多謝各位」,同埋用國語講「謝謝!」到唱出《風的季節》時,小鳳姐到中段仲叫大家一齊唱副歌,在場睇騷嘅歌迷都睇得好開心,大家亦有跟住一齊唱,非常好氣氛。

 

唱完《風的季節》後,小鳳姐就話:「非常多謝你哋,有成三年冇見,我以為你哋唔記得咗我。」當台下觀眾大叫:「好靚呀!」小鳳姐就搞笑地話:「我梗係知道啦,有時靚到都唔敢照鏡,怕照爆鏡。」而佢亦有向觀眾介紹剛才在台上拉小提琴嘅一班小朋友:「多謝呢班第五代嘅音樂人,我今日好緊張,雖然已經唱咗好耐,但每一次見你哋心情都好激動,我游水游得好辛苦先游到你哋身邊。」之後佢就唱出《深秋立樓頭》、《流下眼淚前》及《隨想曲》,唱完後小鳳姐就表示好熱,之後佢就除咗件被肩話:「有無人幫我執咗佢。」台下有男觀眾上台獻花,小鳳姐笑話:「唔該晒你,又要買飛、又要拍手、仲要幫我執嘢,咁多年嚟聽我唱歌委屈你喇。」講完後小鳳姐突然話想飲水,飲完台邊工作人員遞上嘅水後,小鳳姐又話:「咁苦嘅,苦過我條命呀!」而小鳳姐唱到第10首《飛沙風中轉》嘅時候,就換咗件桃紅色晚裝裙出場,閃爆全場。

8-Sept-2018 東網 :青山猛烈追求!徐小鳳紅館笑到肚都攣
殿堂級歌手徐小鳳共六場假紅館《金光燦爛徐小鳳演唱會2018》今晚頭場,迎來首位嘉賓,來自台灣的歌手青山,由徐小鳳拖手升上台,青山表示等了這個機會好耐,徐小鳳就話由歌廳、夜總會跑場的時候就與對方變成好朋友,不過就踢爆青山亦是令她感傷心的人:「因為我爹哋、媽咪係你嘅歌迷,仲記得小時候會邀請你嚟我屋企食飯,媽咪會煲湯畀你飲,而我都只係月尾先飲到,因為月尾出糧!」引得觀眾哈哈大笑!

與青山放笑彈

之後她又大爆青山發大財,因為香港有條「青山道」:「成條街都係佢,又唔見有條『小鳳路』?」點知青山用廣東話抵死反擊:「我仲有間醫院添!邊個想去?有8折!」台下即掌聲如雷!之後徐小鳳又講到青山年輕時被好多靚女圍住,自己都唔敢行近,估唔到對方咁講得笑,青山接話是因為徐小鳳四處唱歌,追唔到:「從今天開始追,先表白。」說畢便手拖手唱出《表白》,期後徐小鳳便落台換衫,留青山於台上獨唱《尋夢園》、《淚的小花》。

未幾,徐小鳳以藍色旗袍配腳邊彩色花造型再次上台,非常搶眼!隨即有數十位小朋友上台,聽指令從徐小鳳的花花裙底下拉出一大幅圓白布,構成「海浪」,配襯之下唱出《人似浪花》,意境十足!
8-Sept-2018 東網 : 徐小鳳開騷 張帝爆做嘉賓要買通導演?
殿堂級歌手徐小鳳今晚假紅館舉行第一場《金光燦爛徐小鳳演唱會2018》,來到第二位嘉賓的合唱環節,台灣歌手張帝拎住鮮花於台邊現身,又笑「埋怨」徐小鳳當初只邀請歌手青山任嘉賓,而自己就冇份:「我好衝動,又好難過,所以就買通導演,用了很多錢才能上台。」徐小鳳想解釋時,又唔小心口誤稱呼對方為「青山大哥」,令全場爆笑!即被張帝取笑話:「很不夠意思!」二人一唱一和打情罵俏,大放笑彈!

唱畢合唱《順流逆流》、《禪院鐘聲》,到《禪》後段時樂手們突然加快速度,令張帝差啲接不上,大叫被整蠱,仲假裝唱到喘晒氣,又好有心思改其歌歌詞讚賞徐小鳳,笑話為了對方做甚麼都可以,隨即更爆肚唱出一小段《月亮代表我的心》以表心意,之後便齊齊落台,間場時間則特意安排了一眾小鼓手在旁打鼓。

8-Sept-2018 東網 : 食咗豹子膽?徐小鳳開騷畀邊個趕落台
 
 
 
殿堂級歌手徐小鳳今晚於紅館舉行第一場《金光燦爛徐小鳳演唱會2018》,換上銀色美人魚裝的徐小鳳再次靚爆出場,呢條美人魚裙仲非常特別,經光線照射下會變成金色,十分華麗!她接連唱出《激光中》、《夢伴》、《信者得愛》、《唱這歌》等快歌,實行High爆紅館!

之後有名着西裝的小朋友帶住一枝鮮花上台,大膽催徐小鳳落台,指:「夠鐘落台,政府規定冇辦法!」令徐小鳳招架不住,求情話:「可唔可以有酌情權?」對話甚為搞笑,最後只好「就範」落台。

輪到Encore環節,她換上招牌波點衫,甫出場就獲全場歡呼聲,笑話:「呢行規定一定要做Encore,多謝各位畀掌聲叫番我上台見大家。」之後更即興邀請台下好友蓋鳴暉上台合唱《帝女花香夭》,將個唱氣氛推至最高點!又順應民意唱出《叉燒包》,最後唱出《順流逆流》,為首場演唱會畫上完美句號,大約於晚上十一時完騷。
8-Sept-2018 明報 :【紅館開騷】男歌迷衝上台送花 小鳳姐唱《有了你》悼念陳百強

【今晚直撃】6場《金光燦爛徐小鳳演唱會2018》今晚假紅館揭開序幕,全場爆滿,小鳳姐穿上閃亮銀白色公主裙隆重登場,輕露香肩的她以一曲《神鳳》打頭陣,接著唱出《風的季節》、《漫漫前路》等多首金曲。一向幽默風趣的她亦不時與歌迷互動,即席大搞爛Gag,當她話3年沒見以為歌迷不認得她,有歌迷即在台下大讚她靚過以前,小鳳姐不禁笑說:「我當然知啦!所以有時靚到不敢照鏡,怕照爆鏡。」

小鳳姐之後又話好熱要除去披肩,問可有靚仔夠膽上台幫手執走,有位男歌迷即拿着鮮花衝上台幫手,令小鳳姐有點不好意思,她說:「你真的對我貢獻良多,還要委屈你聽我唱歌多年。」小鳳姐這晚特別選唱了陳百強的《有了你》懷念故友,更說:「當年在片場等埋位時,他會拉埋一邊彈琴我聽,雖然不知道他彈什麼,應該是彈緊一些新作品,送給所有喜歡Danny歌曲的朋友,包括我在內。」

(即時娛樂)

8-Sept-2018 蘋果日報:【演唱會爆滿】開場棟篤笑有得諗? 小鳳姐話子華收山係車大炮

相隔三年徐小鳳再度喺紅館舉行6場《金光燦爛徐小鳳演唱會2018》,噚晚順利完成頭場演出,小鳳姐今次邀請到青山同張帝,兩位來自台灣嘅前輩級歌手助陣擔任嘉賓。首先有青山同小鳳姐手拖手唱出《今宵多珍重》,青山向小鳳姐表示大家由以前喺歌廳同夜總會跑場時已經認識,小鳳姐就透露父母都係青山嘅歌迷:「仲記得以前會邀請你嚟我屋企食飯,媽咪會煲湯畀你飲,而我得月尾出糧先飲到!」

 

之後小鳳姐又發揮風趣本色,向青山講:「聽講你發財啦,成條『青山道』都係你嘅,又唔見有『小鳳路』?」點知青山仲抵死,用廣東話答:「我仲有間醫院!邊個想去?有8折!」引得觀眾大笑。跟住小鳳姐又講到青山後生時有好多靚女圍住,自己都唔敢行近,估唔到對方咁講得笑。

 

隨後就到張帝拎住鮮花上台送俾小鳳姐,仲埋怨對方淨係搵青山做嘉賓冇自己份:「我好衝動,又好難過,所以就買通導演,用了很多錢才能上台。」隨後又將小鳳姐嘅《順流逆流》改詞,變成讚賞對方,臨走前仲唱多一小段《月亮代表我的心》,向小鳳姐示愛,逗得觀眾拍爛手掌。

 

到Encore環節,小鳳姐著上招牌嘅黑白波點裙現身,仲邀請第三位嘉賓蓋鳴暉上台合唱《帝女花香夭》,最後再唱出《順流逆流》為演出畫上句號。

 

小鳳姐演出後表示滿意演出,講到嘉賓青山及張帝會做足6場嘉賓,佢話:「30年前已經應承請佢哋做嘉賓,到依家先實現,真係好抱歉。」雖然台上小鳳姐同佢哋落力打情罵俏,但佢話只係演出需要:「大家對大家嘅歌聲都好仰慕,佢哋又好唱得,我諗佢哋今次係第一次正式認識我,以前冇咩機會咁一齊做騷,都好多謝佢哋。」

 

講到演唱會上揀選陳百強嘅《有了你》及《今宵多珍重》,小鳳姐話:「今年係Danny 60歲冥壽,本來我都被邀請出席佢紀念音樂會,但同我個騷撞期,所以先喺呢度向佢致意。」小鳳姐又話當年喺片場Danny彈琴俾佢聽:「佢應該係彈緊《等》,唔知佢係咪想畀我唱,但好彩唔係,否則首歌冇咁Hit。」

 

小鳳姐向來轉數快,而且風趣幽默,問到佢有冇諗過開Talk Show?佢笑笑口話:「冇諗過,我都係見到咩講咩,如果要我背就慘。」但連黃子華都話收山,靠Talk引觀眾笑嘅藝人真係唔多,小鳳姐卻話唔信對方真係收山:「佢車大炮!我唔信佢!」

8-Sept-2018 東網 : 黃子華假收山?徐小鳳爆:佢車大炮
一共六場的《金光燦爛徐小鳳演唱會2018》今晚正式開鑼,徐小鳳騷後受訪指好滿意所有嘉賓於台上演出的表演,至於自己就笑話得80分:「同嘉賓好似融為一體,嗰感覺就好似返咗屋企咁溫暖,30年前已經應承請佢哋做嘉賓,到依家先實現,真係好抱歉。」他們真的暗戀你?她即耍手擰頭笑話:「梗係唔係啦!大家對大家嘅歌聲都好仰慕,佢哋又好唱得,我諗佢哋今次係第一次正式認識我,以前冇咩機會咁一齊做騷,都好多謝佢哋。」又透露二人是固定嘉賓,晚晚獻唱。

講到昨晚是陳百強生忌,她特意選唱了《為了你》及《今宵多珍重》,徐小鳳指今年是對方60歲冥壽,都有被邀請出席紀念音樂會,惟撞正開騷時間,故先行於個唱上唱對方的名曲致意:「我諗嗰時喺片場佢就係彈《等》畀我聽,唔知佢係咪想畀我唱,但好彩唔係,如果唔係冇咁Hit!」

頭場笑料多籮籮,與嘉賓的對話又幽默風趣,問到她可有考慮開Talk Show?她笑話冇諗過,仲反問:「我得咩?我係唔可以背稿,叫我背就慘,都係見到咩講咩,我今晚都Talk好多,你唔覺得咩?(有好多都收晒山,例如黃子華!)佢車大炮!我唔信佢!」此神回覆認真爆笑!
 
25-August-2018 明周 2598期 【徐小鳳專訪】小鳳姐秘密挑選小學生 個唱五代同堂
徐小鳳為九月紅館個唱密鑼緊鼓綵排,這天人多勢眾,有五、六十個小學生替她伴奏。一向有說小鳳姐喜歡秘密買票看演唱會,以神秘星級觀眾身份坐在山頂或不顯眼的位置睇騷,原來她連小學管弦樂團表演也捧場,她認識這羣年紀小小的樂手多年,今年開騷前靈機一觸,請他們擔任嘉賓樂團,伴她唱好幾首歌,小鳳姐的班底有齊六十年代至近年入行的第一至四代音樂人,加上這批十歲左右的第五代樂手,小鳳姐喜氣洋洋說:「我哋五代同堂呀!」

徐小鳳在台上唱歌常附送獨特風格的冷笑話,令人會心微笑,原來看她綵排,也有這種娛樂,這天她在綵排室與小學生樂團練歌,唱的是《風的季節》,小鳳姐細聲的唱,因為只是排練與樂團的默契,不用真唱,當音樂過場,她幽默的說:「山頂嘅朋友你哋好,山腳嘅小朋友你哋好。」帶團的老師都想笑。

這六十位八至十二歲的小朋友,是某間小學的管弦樂團成員,剛從維也納演出回來,就入綵排室跟徐小鳳夾歌,《漫漫長路》、《神鳳》,演奏首首年紀比他們大幾倍的流行曲,奏得頭頭是道,小鳳姐的樂譜和小朋友的樂譜有出入,要略作修改,老師一句:「自己mark低!」然後向小鳳姐保證:「冇問題,佢哋識㗎喇。」個個都是獨當一面的小專業樂手。

記得小鳳姐以前演唱會有個經典場面,她的巨型波點傘裙下面走出十個小朋友;今年演唱會又有小朋友上台,問她為什麼想到用小學生樂團伴奏,原來是她親自構思的。「幾年前,我好朋友邀請我去看這些小朋友的音樂會,我已看過很多次,他們學校時常請我去看,但我時間不穩定,一早安排好的演出,有時我不能去看,有時我說:『我明天有時間。』他們就馬上安排所有學生演奏給我聽,這一點我很多謝他們,我未見過一間學校對音樂那麼熱誠,看到這些小朋友,我就想起自己小時候,我未學過樂器,但很喜歡唱校園民歌。最初我只當作普通表演去看,漸漸有個靈感,年紀那麼細的小朋友,演奏到我都覺得出奇,原來香港有很多音樂人才,這些小朋友是香港的未來之星,應該讓人認識他們,也讓這些小朋友認識一下香港流行曲的歷史,今天只是第一次綵排,效果非常好,只是間中打個呵欠,好可愛吖。」

小鳳由下午四時練到晚上十時,初時擔心小朋友未必應付到,結果非常合拍,令她放下心頭大石,她和樂團練了不少歌曲,會挑選最好的幾首在台上演出。

唱《有了你》紀念陳百強

徐小鳳華麗淡定,但她的演唱會也常有動感安排,有一年演唱會,她在半山位置觀眾通道踏單車出場,可謂前無古人後無來者,小鳳姐說:「場館規例頗嚴格,自從我踏過單車,已經不能這樣做。」

另外她又曾與譚詠麟在某年個唱繞着紅館四面台跑圈,她回想起說:「突然之間傻咗high咗,好想跑個圈。」

至於今年演唱會,她會唱一首disco medley,其中包括鄭秀文二○一○年的Hip Hop勁歌《信者得愛》,經過小鳳姐的重新演繹,一定有另一番味道,不過問她會否跳舞,她就斷然拒絕:「不會,我唔識跳舞。」

另外她會演繹別人的歌,包括陳百強的金曲,下個月是丹尼的六十歲冥壽,有唱片公司將推出致敬大碟和開紀念演唱會,雖然小鳳姐未能參與,但她會以自己的方式懷念Danny,在個唱演繹《有了你》和《今宵多珍重》,早前熱播的電視劇《BB來了》主題曲正是新一代歌手譚嘉儀唱的《有了你》,環球致敬大碟則有林子祥版本,以前陳奕迅也唱過這首歌,很快就可以聽到徐小鳳的現場版本。

談到與陳百強以往相處的點滴,徐小鳳想起一起拍電影《聖誕快樂》。「片場有一部鋼琴,我們等埋位的時候,他捉埋我一邊,說作了很多新歌,彈給我聽,逐首問我:『好不好聽?』很關心自己的作品,我做了他的聽眾。」

小鳳姐下月在紅館唱陳百強兩首歌,到時在天上的壽星仔可以做回她的聽眾。

 
10-August-2018 商業電台: 十八樓C座有請小鳳姐
 
29-August-2018 東周刊
 
9-August-2018 明報 :【港九巡迴】預告唱陳百強達明一派歌曲 小鳳姐騷前緊張

【今日直撃】徐小鳳將於9月在紅館舉行一連六場《金光燦爛徐小鳳演唱會2018》,小鳳姐今日到錄音室練歌,即場獻唱國語版《今宵多珍重》。

小鳳姐演出經驗豐富,聲稱仍會緊張,原因每次演出的程序及歌曲會不同,「今次準備了50首歌曲,最後可能篩選至30或40首,大部分是大家熟悉的歌曲,也會獻唱別人的歌,包括陳百強、盧冠廷和達明一派。」小鳳姐指嘉賓方面仍未決定,當追問她會否巡迴演出時,小鳳姐即發揮其搞笑本色說:「我經常在香港九龍巡迴。」

提到許冠傑(阿Sam)與譚詠麟(阿倫)正在紅館開騷,問她會否去踩場?小鳳姐說:「如果畀我踩,我可以呀!他們的歌衫很靚,我要跟他們鬥靚。(準備了多少套衫?)最少一套。」

9-August-2018 蘋果日報:【香港九龍巡迴】演唱會歌單有近50首歌 小鳳姐預咗唱唔晒

徐小鳳今日喺土瓜灣為9月舉行嘅「金光燦爛徐小鳳演唱會2018」演唱進行綵排,呢次於紅館舉行6場演出,佢今日綵排就唱咗首陳百強嘅《今宵多珍重》。

小鳳姐話今次演唱會唱接近50首歌,基本上係唱唔切,所揀嘅都係大家耳熟能詳嘅歌曲,小鳳姐話:「會唱一啲好朋友嘅歌,有兩首陳百強、達明一派、盧冠廷等,當然想請多啲朋友出席自己演唱會,睇吓佢哋有冇時間。」

小鳳姐表示每一次唱會都好緊張,工作人員都好認真製作,至於會否加場,小鳳話:「加唔加就等觀眾決定,今次相隔兩年再開唱會,做巡迴演出冇所謂,我不嬲喺香港九龍巡迴。」小鳳姐話想去睇許冠傑同譚詠麟嘅演唱會,至於會否上台踩場,小鳳姐話:「唔知佢哋俾唔俾我踩,佢哋嘅節目已經編排得好滿。」

9-August-2018 東網:揀冷門歌唱!老手徐小鳳開騷難掩緊張
一連六場《金光燦爛徐小鳳》演唱會進行綵排,歌手徐小鳳以陳百強經典歌曲《今宵多珍重》作排練歌,她表示演唱會準備了接近50首歌,除有大家熟悉的歌外,還有一些較冷門及很久沒有唱的歌,其中小鳳姐亦選了她喜愛的歌手金曲,包括:陳百強、達明一派和盧冠廷等。今次相隔了兩年多再開演唱會,小鳳姐在準備方面亦很認真,她接受東網訪問稱:「相隔兩年幾,都有好多準備,每次都好緊張。(開咁多次會駕輕就熟?)都唔係!(會請埋啲嘉賓上台?)我梗係想啦,睇佢哋有冇時間!(開六場夠嗎?)要睇觀眾!(巡迴?)冇所謂,都係睇觀眾,我成日都香港、九龍巡迴架啦!哈哈!」

對於最近老友譚詠麟和許冠傑正在紅館舉行演唱會,小鳳姐坦言都有去捧場,還稱二人的歌很靚,要跟他們鬥靚,問今次演唱會準備幾多套歌衫?她笑言:「最少都一套!(會踩場做嘉賓?)睇吓佢哋畀唔畀啦!不過佢都好熱鬧了!」
 
東華三院《金光燦爛徐小鳳演唱會2018》慈善門券
 
27-July-2018  文滙報 :小鳳姐欣賞《一代天嬌》
 
10-July-2018 小鳳姐出席陳榮峻及吳香倫婚宴
以下相片取自車淑梅小姐個人Facebook.本網站已得淑梅同意分享,如取相片者請表明相片來源。
10-July-2018  東網 : 小鳳姐出席陳榮峻及吳香倫婚宴
 
4-July-2018 明報 :【明益觀眾】小鳳姐演唱會最平180元 7月5日公開發售 

殿堂級歌手徐小鳳再次紅館開騷,將於今年9月開6場《金光燦爛徐小鳳演唱會2018》,門票明天(7月5日)公開發售。小鳳姐今次門票分為880元、580元、380元及180元,當中最低只是180元,可謂入場門檻很低又抵,令歌迷更加容易聽到小鳳姐現場唱《風的季節》、《隨想曲》、《喜氣洋洋》及《婚紗背後》等金曲。

(即時娛樂)

4-July-2018 東網 :
 
殿堂級歌手徐小鳳自上次演唱會後,歌迷即時強烈要求她開個唱part 2,而她一直牢牢記住歌迷的支持,一直和主辦單位留意及申請紅館的檔期,今年9月「徐小鳳金光燦爛演唱會2018」將重臨紅館。 
歌迷得聞演唱會最低門票只是$180,回到幾乎十年前的價錢,大讚她體貼民情,今日主辦單位決定加開9月15、16日兩場,門票將於7月5日在城市售票網公開發售。
 
24-June-2018  蘋果日報:

【熱烈地彈琴熱烈地唱】徐小鳳9月紅館騷照顧「老友記」 平飛倒流十年前舊價

有請小鳳姐!

尊貴殿堂級歌手徐小鳳又開騷啦,將於9月7-9日及9月14日假紅館舉行四場「金光燦爛徐小鳳演唱會2018」,今次最特別嘅地方,就係山頂位平飛嘅定價僅盛惠$180,可以話係時光倒流十年前嘅舊價,益街坊!

大家請留意番,近年香港百物騰貴,演唱會門票價錢加完又加,平飛價錢加幅超過五成,每張已勁升到$280,好似同樣屬於尊貴級數嘅譚詠麟、許冠傑8月紅館騷「阿Sam &阿Tam Happy Together Part II演唱會2018」、仲有啱啱喺紅館開完騷嘅張敬軒,平飛都係賣$280,而小鳳姐騷就平足100蚊,相信係照顧「老友記」觀眾。

依家歌星上紅館開演唱會,觀眾除咗最貴嘅飛難撲之外,最平嘅飛同樣好搶手,通常都係第一時間被掃光。難怪小鳳姐開騷消息傳出後,網民對$180門票價錢熱烈地彈琴熱烈地唱,留言:「最重要有$180」、「180門券咁平」。除咗平飛價錢時光倒流之外,今次個唱名同樣好有親切感,事關小鳳姐喺87年、89年、92年、05年、06年嘅演唱會,都係叫做「金光燦爛徐小鳳」。
 
24-June-2018 東網 :

徐小鳳再踏紅館開騷 票價勁貼地親民

殿堂級歌手徐小鳳將於9月7-9日及9月14日假紅館舉行四場《金光燦爛徐小鳳演唱會2018》,雖然她在樂壇地位尊貴,但門價相當「貼地」迎合民情,因為最平的山頂位票值為$180,比現時一般演唱會最平的$280,更平了一舊水,而其他票價分別為880、580、380元。

 
11-June-2018 小鳳姐出席家燕姐兒子婚宴

薛家燕今日娶新抱,無論係一對新人致辭,定係家燕姐上台講番湊大仔女有幾辛酸,都非常感人。

王祖藍、湯洛雯、吳麗珠、路芙、霍震寰等一班賓客約於10點50分陸續離開,小鳳姐離開時話:「我今日參加咗個最感人嘅婚宴,由頭到尾、每個字都感人,特別係新郎哥,新娘子同家燕姐致辭時覺得好溫暖。」咁有冇眼濕濕?佢話:「一路喺度抹,全場都好感動,今日家燕姐好開心,開心到好失暈。」小鳳姐仲對住鏡頭講:「家燕祝福你!」記者話今日喜氣洋洋,小鳳姐有冇唱下首本名曲?佢就答:「今日邊輪到我唱吖。」但佢走個時,就唱住「喜氣洋洋,洋溢四方」咁走,十分搞笑。

 
20-April-2018 小鳳姐出席「苗圃高爾夫球慈善賽」晚宴  圖片取 自facebook 謝謝
 
28-March-2018:文匯報 【翠袖乾坤】徐小鳳其實很好玩 查小欣

飯局上遇稀客徐小鳳,她鮮有出來應酬,尤其是賓客多的場合,那次出席除了是畀面主人家,也因可與從加拿大回來的凌波和金漢聚舊。

在席上我問她:「最近有沒有去消夜?」她大笑起來。事源多年前,有一晚她做完演唱會,深夜打電話給我,說她正在消夜,吃打邊爐,邀我一起,我老實告訴她,我右邊面剛卸了妝,不能出去了,她聞言後大笑,她說想像我一邊面卸了妝的樣子,覺得很得意。每次見到她,她都會提及此事兼大笑。

徐小鳳怕見陌生人,她說︰「我生活在自己的個人圖畫裡面,有什麼不好?」但熟絡後,她變得很好玩,就像她在台上愛爆金句一樣,她的金句有別於黎明,不會令人摸不着頭腦,她的金句幽默惹笑,逗得全場大笑,但有些金句則很玄,例如我多年前第一次訪問她,當時盛傳她自己投資開演唱會,自任老闆,向她求證,她說她的演唱會有眾多投資者,追問是誰?她答:「每一個買飛入場的觀眾都是我的投資者,沒有他們我怎開得到演唱會?」令人啼笑皆非。

她轉數快,年前做林子祥(阿Lam)演唱會尾場嘉賓,穿着白色誇張長裙出場,與阿Lam合唱,阿Lam步步為營,怕踩到裙尾,她即笑言:「不要緊,我被人踩慣,我經得起風浪,特別是香港人,更經得起風浪,香港是最大方、包容的社會,不理會你有多少錢又或是多窮,也一一收容,我是香港人,是地地道道的香港小姐。」我在現場,大拍手掌,向她歡呼。

有時在台上,她又會突然黎明上身,大爆大家聽不明白的金句,如:「我好喜歡發夢,但有時更喜歡發不好的夢,因為醒來時會發現現在是好的世界。其實我不知自己在說什麼?」殿堂級的天后,現實生活中,其實很好玩。

 
19-March-2018: 明周 第2575期
 
22-Jan-2018: 圖片取自facebook 謝謝
 
9-Jan-2018: 圖片取自微博 謝謝
 
1-Jan-2018: 香港電台第一台 [音 樂 情 人]
鄭子誠先生今年在節目內選播小鳳姐的歌曲,祝賀小鳳姐2018 .1.1.MONDAY 生日快樂...
風雨同路/ 喜氣洋洋/ 人生滿希望/ 歌聲暖我心/ 月兒彎彎照九州/ 風的季節 / 隨想曲/ 深秋立樓頭/ 順流、逆流