突破豪華的傳統

輕裝便服拍特輯

徐小鳳凡事渴望自然

久未露面的小鳳姐,令歌迷們不知點算好,只好頭住啲舊唱片止癢。不過今次要帶給大家一個好消

息,就是歌迷們不須再餓下去了,因為小鳳姐即將會為亞洲電視拍一個音樂特輯,名為「冬日艷陽

徐小鳳」。本刊為此專誠去跟小鳳姐做個訪問。坦白說,面對一個天皇巨星的感覺是很緊張的,所

以筆者帶著顫顫兢兢的心情赴約,誰知小鳳姐原來是非常隨和的一個人,因此今次的訪問可說是十

分輕鬆的氣氛下進行的。小鳳姐咁耐冇出唱片,所以我首先代迷哥迷姐們問的,當然是她幾時會推

出新唱片?「係呀,講起上嚟,我真係好耐冇出唱片喇,其實我都籌備緊,不過冇咁快會完成新唱

片嘅製作就真。」當我告知小鳳姐,有好多歌迷、朋友叫我話俾佢知佢地恨左佢既新唱片後,小鳳

姐很開心,並答應會盡快籌備,咁歌迷們可放心啦!

老友聚頭:甚興奮

問小鳳姐今次既音樂特輯形式會係點?「今次會去日本拍

攝,服裝方面唔會太隆重,會較為Casual。其實我都冇咩話

特別提議拍啲乜或者點樣拍,我都想周圍搜集下意見。」

查實點會咁唔清唔楚呢!小鳳姐只係想對特輯形式方面有

所保留,等觀眾們到時有驚喜啫。不過筆者即管透露小小

俾你地知,小鳳姐唱其中一首歌時,據聞會用幾百萬既服

裝呢!另外,佢好有機會見番一舊朋友,同啲老友記聚

下會添!好似西城秀樹、五輪真弓等等。好多人都奇怪,

點解呢輪小鳳姐會係亞洲電視出現呢? 

乜榜物榜:唔自然 

「其實我覺得兩個台對我嚟講都冇乜分

別,響邊個台亮相都冇所謂。主要係我感

到鄰台太多競爭,俾我好大壓力,我好怕

嗰啲乜榜物榜,令我感到好唔自然。」

「咁你對現在樂壇上咁多嘅頒獎典禮,有

乜嘢睇法呢,覺唔覺得有嘅分豬肉嘅感覺

呢?」「歌手攞獎根本係一種好大嘅鼓

勵,以前得到獎項我都好興奮,不過我覺得呢啲嘢都係自然啲好。」提起現今樂壇,好想知道小鳳

姐對咁多新嘅樂壇生力軍有乜感受,有冇話覺得邊幾位最有潛質,又或者以前輩身份嚟講,有咩意

見提點俾佢地?「係依家歌手嚟講,好多個都好有潛質,好難特別點名話邊幾個最突出。至於意見

方面,我就更加冇乜野可以提點佢地,因為我覺得現在的歌手,甚至新人都好叻,唔似我地以前嗰

啲,比較怕醜,依家嘅新人好快就已經適應周遭嘅工作環境,我反而覺得自己好似個新人咁添。不

過,有一樣嘢我得承認嘅,就係在現今樂壇上,無可否認男歌手實在比係女歌手幸福得多。」

「現在的歌迷,大都比從前的熱情得多,你怕唔怕有時觀眾過份熱情,影響你唱歌嘅情緒呢?就好

似有時啲歡呼聲太過激烈,令到其他欣賞緊你唱歌嘅人乜都聽唔到呢?」

難忘歌曲:風雨同路 

「我相信如果你來聽我嘅演唱會,係唔會有咁嘅事發生,我的觀眾多數都好乖。我唔怕BB聲,呢啲只

係代表觀眾熱情嘅一面,但當然要岩Timing,如果唔係,真係會好影響我唱歌嘅情緒。」小鳳姐更表示

不希望自己的歌迷只局限了一個類型或一種年齡,她希望更喜歡三歲至八十歲的人都懂得欣賞她唱的

歌曲。對於最鍾愛、最難忘的歌曲,小鳳姐話實在有太多首,其中包括為人所熟悉的:「隨想曲」、

「無奈」、「婚紗背後」、「風的季節」、「順流逆流」、「風雨同路」等等,數之不盡。提起「風

雨同路」,筆者聽聞這張唱片在內地市場銷量甚佳,問小鳳姐有否想過進軍中國大陸的樂壇?「我前

一陣子都去過北京,不過唔係工作,係旅遊。係好耐以前都有諗過在天安門開演唱會,不過最近都冇

諗過喇,而且音響方面嘅問題比較麻煩。依家聽過家人意見,我亦會考慮積極發展內地市場。」

印象深刻:半天吊 

小鳳姐開過咁多次演唱會,登過咁多次台,趣事多籮籮,真係講都

講唔晒:「最主要都係穿崩、爆呔呢類嘅趣事,我又可從中吸收經

驗,下次不用再出錯。記得有一次演唱會,我係需要係空中乘著

一些道具出場嘅,誰知那些機器忽然停頓了,不知是壞了還是甚麼

的,把我停在半空,動彈不得,幸虧後來好快就修理好,唔係真唔

知點算。」「你平日登台表演的歌衫都好隆重,好似好重咁!你運

氣唱歌時會唔會好辛苦架?」「咁又唔會喎!可能已經著慣左,冇

乜異樣嘅感覺,都好舒服架!不過係紅館唱歌係四面都要兼顧嘅,

服裝後面都要整得靚啲,連帶成本都貴埋!」小鳳姐就是這樣一

個談笑風生的人,令到今次的訪問在非常愉快的氣氛下結束。就讓       

我們期待著她的個人特輯的蒞臨吧! 文: 愛麗斯

◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆

冬日艷陽徐小鳳 輕鬆姿態日本行

 [註:1992年] 十二月十二日星期六 本港台晚上八時三十五分

  

 

台慶及亞洲小姐競選擔任表演嘉賓之後,天皇巨星徐小鳳專誠遠赴日本,為亞洲電視拍攝一個長

達個半小時的音樂特輯,名為「冬日艷陽徐小鳳」,並定於十二月十二日晚於亞視本港台隆重播映。

小鳳此行分別前往京都及東京兩地拍攝,套取這兩大城市各具日本傳統風貌及先進繁華的兩種極

端特色。在這短短數天的假期裡,無論小鳳姐身處靜如深海的青翠溫泉間,或是人潮熙攘的市區交通

匯點,她依然以輕鬆幽默的心情笑看人生。

能想像徐小鳳會在原宿街頭跟那些打扮前衛的年青人大跳流行舞嗎?此外,在特輯中,小鳳姐當

然會演繹多首她的經典金曲,還會作出一個特別創舉來拍攝MTV;到時,你可以聽到「無奈」、「夜

風中」、「婚紗背後」等等這些小鳳姐的代表作品,肯定令你聽出耳油。

鳳姐是香港樂壇的巨星,今次日本之行當然不少得與日本藝能界的紅星共敘,其中包括大家都熟

悉的西城秀樹及五輪真弓,西城秀樹會講廣東話,大唱小鳳姐的名典,而五輪真弓則會與小鳳姐一同

談談自己對音樂的愛好及感受。

了以上的環節外,小鳳姐會帶大家暢遊東京及京都的名勝古蹟,如京都的「金閣寺」、「東映映

畫村」及東京迪士尼樂園及橫濱中華街,肯定令你眼界大開。而小鳳姐亦會在當晚的特輯中談談自己

對事業、人生、感情的看法。

日艷陽徐小鳳」是小鳳姐與亞洲電視於九二年呈獻給觀眾一個充滿誠意及賞心悅耳的音樂特

輯,各位觀眾一定不容錯過。

◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆

1992年 12月11日第806期  [亞視周刊]  

 [文字輸入:Bryan Wong]